सत्ता गठबन्धनको बैठक बैठक बालुवाटारमा, आजै मन्त्रिपरिषदलाई पूर्णता दिने देउवाको तयारी !

243 Shares

काठमाडौँ: प्रधानमन्त्री निवास बालुवाटारमा सत्तारूढ गठबन्धनको बैठक बसिरहेको छ । मन्त्रिपरिषद् विस्तारलाई अन्तिम रूप दिने विषयमा बैठकमा छलफल भइरहेको प्रधानमन्त्रीको सचिवालयले बताएको छ । 

बैठकमा प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल र जनता समाजवादी पार्टीका अध्यक्ष उपेन्द्र यादव सहभागी रहेको प्रधानमन्त्रीको सचिवालयले जनाएको छ।

मन्त्रिमण्डल विस्तार अघि सत्तारुढ दलका नेताहरु मन्त्रालय भागण्डामा भएको सहमतिलाई अन्तिम रुप दिन छलफलमा बसेका हुन्। यसअघि सत्तारुढ दलले मन्त्रालयको भागबण्डा गर्दा काँग्रेसलाई सात, माओवादी केन्द्रलाई ६ तथा नेकपा एकीकृत समाजवादी र जनता समाजवादीलाई चार-चार मन्त्रालय पाउने गरी छलफल भएको थियो। तर त्यसमा नेकपा एकीकृत समाजवादीले असन्तुष्टि जनाएपछि पुन गठबन्धनको बैठक बसेको हो।

मन्त्रिपरिषदलाई पूर्णता दिने विषयमा छलफल गर्न गठबन्धनका शीर्ष नेताहरूको बैठक बसिरहेको प्रधानमन्त्रीका प्रेस सल्लाहकार गोविन्द परियारले जानकारी दिए। गठबन्धनमा कुरा मिले आजै मन्त्रिपरिषदलाई पूर्णता दिने प्रधानमन्त्री शेरबहादुर देउवाको तयारी छ।