अध्यक्ष प्रचण्डले आगामी निर्वाचनमा चितवनबाटै उम्मेदवार रहने स्पष्ट 

343 Shares
सम्बन्धित पार्टी

काठमाडौंः नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आगामी निर्वाचनमा आफू चितवनबाटै उम्मेदवार रहने स्पष्ट पारेका छन् । सोमबार अबेर चितवन भूमिगत संयोजनात्मक जलसिँचाइ आयोजना, भरतपुरले बुद्धनगरमा निर्माण गरेको डिप ट्युबेल सिँचाइ प्रणालीको उद्घाटन गर्दै उनले उक्त कुरा गरेका हुन् । 

गएको चुनावमा आफूले चितवनका जनतासँग गरेको बाचा पूरा गर्दै आएको बताउदै प्रचण्डले फेरि पनि चितवन क्षेत्र नं ३ बाटै आफ्नो उम्मेदवारी रहने बताए । 

उनले भरतपुर महानगरको विकास लोभलाग्दो रहेको र सलाई अझ उचाइमा पुर्‍याउन आफ्नो उम्मेदवारी रहने बताए। यस्तै उनले भूमिहीन, सुकुम्बासी र अव्यवस्थित बसोबासीलाई निर्वाचन अगाडि जग्गा वितरण गरिने पनि बताए । 

यस्तै उक्त कार्यक्रममा ऊर्जा, जलस्रोत तथा सिँचाइमन्त्री पम्फा भुसालले समृद्ध तराई–मधेश कार्यक्रमअन्तर्गत आयोजना सुरु भएको बताउदै भरतपुर र माडी क्षेत्रमा उक्त कार्यक्रम सञ्चालन गरिएको बताए 

ताजा अपडेट